Gresa Bakraçi nuk ia del as përmes repesazhit, eliminohet nga Lojërat Olimpike Paris 2024

12:57 | 3 Gusht 2024
E.K

Përfaqësuesja e Kosovës në atletikë në Lojërat Olimpike Paris 2024, Gresa Bakraçi, nuk ia ka dal të kalojë tutje as me repesazh.

Bakraçi përsëri u rendit e fundit në baterinë e saj në garën 800 metra, duke arritur kohën 2.18 minuta.

Gresa Bakraçit dhe gjithë atleteve tjera të eliminuara mbrëmë në disiplinën e 800 metrave, iu ka dhënë mundësia e dytë për të garuar sërish.

Federata Botërore e Atletikës për herë të parë iu dha edhe një mundësi për kualifikim garueseve përmes repasazhit, i cili po zbatohet për herë të parë në LO Paris 2024.

Megjithatë, garuesja jonë nuk ia doli të kualifikohet as në mundësinë e dytë, kështu që e mbyll aventurën në ‘Paris 2024’. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm